ކުލާސްރޫމަކީ
ދަރިވަރުންގެ އުނގެނުމުގެ އެންމެ މުހިންމު ނާރެހެވެ. އެމާހައުލުގެ އިންތިޒާމްކަމާއި
ހަރަކާތްތައް ބިނާވާ ގޮތުގެ މައްޗަށް ދަރިވަރުންގެ އުނގެނުން ފަހިވުމާއި ނުވުން
ބިނާވެގެން ދެއެވެ. މި ހުރިހާ ހަރަކާތެއްވެސް އެންމެ ފުރިހަމަގޮތުގައި
ގެންދިއުމަށް އެންމެ ބޮޑު އަސަރެއް ފޯރުވާ އެކަމަކީ ކުލާހުގައި ދަރިވަރުންނާއި
ކުރެވޭ މުޢާމަލާތެވެ.
މުދައްރިސް
ދައްކަވާ ވާހަކަ ނުވަތަ ދަރިވަރުންނާއި ކުރެވޭ މުޢާމަލާތް ސާފުވާ ވަރަށް
މުދައްރިސްގެ އަޑުގެ ބާރުމިން ގެންގުޅޭން ޖެހެއެވެ. އަދި އަޑުމަޑުކުރަންޖެހޭ ހާލަތްތަކާއި އަޑު
ގަދަކޮށް ވާހަކަ ދައްކަންޖެހޭ ހާލަތްތައް ދެނެގަނެ އުނގަންނައި ދިނުމުން ދަރިވަރުންގެ
އަޑުއެހުމުގެ ޝައުޤުވެރިކަން އިތުރުވެ ފިލާވަޅުގެ މަޤްސަދާއި ހަމައަށް
ވާސިލުވުމަށް ހެޔޮ އަސަރުތަކެއް ކުރަމުން ގެންދާނެއެވެ. އެހެނީ މުދައްރިސްގެ ރާގު
ހުންނަ ގޮތުން އަޑުއަހާހިތްނުވެ ފިލާވަޅުގެ މަތިން ފޫހިވެ ޝައުޤުވެރިކަން
ގެއްލެއެވެ. އެހެންކަމުން ފިލާވަޅާއި ގުޅޭ ގޮތުން އަދި އުނގަންނައިދޭ
ދަރިވަރުންނާއި އެކަށީގެންވާ ރަނގަޅު ރާގެއް ބޭނުން ކުރުމަކީ ކޮންމެހެން
ބޭނުންތެރިކަމެކެވެ.
ކުލާހުގައި
ދަރިވަރުންނާއި ކުރެވޭ މުޢާމަލާތުގައި ބޭނުންކުރެވޭ ބަހުރުވަ ނުވަތަ
ބަސްމަގަކީވެސް ދަރިވަރުންގެ އުނގެނުމަށް ވަރަށް ބޮޑު އަސަރެއް ކުރާނެކަމެކެވެ.
އެއީ މުދައްރިސް ފިލާވަޅަށް ތައްޔާރުވާއިރުގައި ވެސް ފިލާވަޅުގައި ދައްކާނެ ވާހަކަ
އާއިމެދު ހިޔާލުބަހައްޓާ ފިލާވަޅު ކާމިޔާބު ވާނީ ކޮންގޮތަކަށް ވާހަކަ ބިނާކޮށްގެން
ކަމާމެދު ވިސްނުން ބަހައްޓާނެއެވެ. އެހެންކަމުން ކުލާހުގައި ދަރިވަރުންނާއި ކުރެވޭ
މުޢާމަލާތަކީ އުނގެނުމަށް އެންމެ ބޮޑު އަސަރެއް ކުރާނެ އެއްކަންތަކެވެ.
No comments:
Post a Comment